Tvíkiljan Stangarnes nú sum nýggj – frá MEST

Tvíkiljan Stangarnes, sum hevur verið hart roynd í 20 ár, hevur verið til høvuðsumvælingar (totalyvirháling) á MEST – so hon nú er sum nýggj.

Arbeiðið er framt innandura í høllini hjá MEST í Havn í tíðarskeiðnum mai til desember í ár. Arbeiðið er gjørt í tøttum samstarvi við Bakkafrost og fevnir m.a. um:

 

· Skift nógv stál yvir og undir dekki

· Sandblásing innan og uttan

· Metalisering uttan

· Málað 3 ferðir undir dekki og 4 ferðir omandeks

· Nýggjar motorar

· Nýggjan krana

· Nýtt manningarrúm

· Nýtt maskinrúm til nýggjan hjálpimotor

· Øll hydrauliska skipanin er skift út við nýggja eldrivna og orkusparandi skipan

 

Arbeiðið er framt innan fyri avtalaða tíðarkarmin, og Bakkafrost fær nú í roynd og veru eina “nýggja” tvíkilju fyri ein góðan prís og við hálvari veitingartíð.

Myndirnar vísa hvussu Stangarnes sá út frammanundan og nú hon er sjósett aftur í dag og fer til rakstur í Suðuroynni.